લીંબડી ધંધુકા હાઇવે પર મંગલદીપ કોટન ઇન્ડસ્ટ્રીઝમાં આગ લાગતાં લાખોનો કોટનનો જથ્થો બળીને ખાખ.

લીંબડી ધંધુકા હાઇવે પર આવેલી મંગલદીપ કોટન ઇન્ડસ્ટ્રીઝમાં આજે અચાનક જ આગ લાગતાં લાખો રૂપિયાનું નુકસાન થયું હતું.

લીંબડીની મંગલદીપ કોટન ઇન્ડસ્ટ્રીઝમાં આજે આગ લાગતા સમગ્ર કોટનનો જથ્થો બળીને ખાખ થઇ ગયો હતો. આગ લાગતાની સાથે જ મંગલદીપ કોટન ઇન્ડસ્ટ્રીઝમાં આગે વિકરાળ સ્વરૂપ ધારણ કર્યું હતું જેમાં લાખો રૂપિયાનું કોટન બળીને ખાખ થઇ જવા પામ્યું હતું. આગ લાગતાની સાથે જ તરત જ ફાયર ફાઈટરની ટીમને જાણ કરવામાં આવી હતી પરંતુ આગે વિકરાળ સ્વરૂપ ધારણ કર્યું હોવાને કારણે કલાકોની જહેમત બાદ ફાયર ફાયટરો દ્વારા પાણીનો મારો ચલાવી આગ ઓલવાઈ હતી. આ સમગ્ર મામલે કોટન મિલના માલિક ચંદુભાઈ પટેલે જણાવ્યું છે કે આગ કયા કારણોસર લાગી તે હજુ પણ જાણવા મળ્યું નથી તેમ જ આગના કારણે મિલમાં ઘણું નુકસાન થયું છે.

કલ્પેશ વાઢેર સુરેન્દ્રનગર