લીંબડી એટલે સૌરાષ્ટ્રનો પ્રવેશ દ્વાર માનવામાં આવે છે તેમજ નેશનલ હાઇવે પર આવેલ આ લીંબડી શહેર છે જ્યાં કરોડોના ખર્ચે બસ સ્ટેશન ઉભુ કરેલ પણ શોભાના ગાંઠિયા સમાન છે ત્યારે લાખો રૂપિયા ખર્ચીને સીસીટીવી કેમેરા પણ આ બસ સ્ટેશનમાં મુકવામાં આવેલ છે પણ શોભાના ગાંઠિયા સમાન આ કેમેરા બંધ હાલતમાં છે આ બાબતે ઉપલા લેવલે ડેપો મેનેજર પરમાર દ્વારા લેખિત અનેકવાર રજુઆત કરવામાં આવી છે તેમ છતાં ટસનું મસ નથી થતું. આ બસ સ્ટેશનમાં લુખ્ખા અને આવારા તત્વો પણ મોટો ત્રાસ છે તેમ છતાં કોઈ પ્રકારનો પોલીસ પોઈન્ટ નથી તેમજ ડેપોના પાછળના ભાગે મહાકાય ગંદકીનુ સામ્રાજ્ય છે આ બાબતે પણ ડેપો મેનેજર પરમારે નગરપાલિકાને રજુઆત કરેલ છે તેમ છતાં હાલ બસ સ્ટેશનની દયનિય હાલ થવા પામી છે. વિધાર્થીનીઓની છેડતીના બનાવો પણ આ બસ સ્ટેશનમાં વધ્યા હોય તેવું પણ જાણવા મળ્યું હતું. તેમજ બાઈક, કાર, રીક્ષાઓ બેફામ પાર્ક કરેલ હોય છે જેના કારણે મુસાફરોને પણ ભારે હાલાકી ભોગવવી પડી રહી છે.
કલ્પેશ વાઢેર સુરેન્દ્રનગર
