ઉમરપાડા તાલુકાનાં ઉમરપાડા ગામનાં સરપંચ શ્રી રમીલા બેન વસાવાનાં હસ્તે વિધવા બહેનો અને જરૂરિયાત મંદ લોકોને 50 કીટનું વિતરણ કરવામાં આવ્યું હતું.

ઉમરપાડા તાલુકાનાં ઉમરપાડા ગામ પંચાયત સરપંચ રમીલાબેન વસાવા દ્વારા 50 અનાજ કીટનું વિતરણ કરવામાં આવ્યું હતું. જેમાં ઉમરપાડા તાલુકાનાં પરવાળા ગામ પંચાયત વૈજાલી ફળિયુ, નવી વસાહત, ટેદગા ફળિયુ અને જુના ઉમરપાડામાં ગામ પંચાયત દ્વારા 50 કિલોનું જેમાં 5 કિલો ચોખા,3 કિલો ઘઉં, 1 કિલો તેલ,2 કિલો બટાકા અને હળદર, મરચું વગેરે કીટમાં આપવામાં આવ્યું હતું. જેમાં વિધવા બહેનો અને અતિ ગરીબ જરૂરિયાત મંદ એવા પરિવારોને કીટનું વિતરણ કરવામાં આવ્યું હતું. જેમાં ગામના આગેવાનો જશુભાઈ ચૌધરી, ભરતભાઈ વસાવા, ઇશ્વરભાઇ વસાવા, નિતેશભાઇ વસાવા હાજર રહ્યા હતા.