વાડીગામથી ઝંખવાવ તરફ જવાના માર્ગ પર ડીઝલ પંપ પાસે એક્ટિવા અને હ્યુન્ડાઇ કંપનીની ક્રિયાટા વચ્ચે અકસ્માત થતાં વેગી તાલુકા માંડવીનાં સંદીપ ચૌધરીનું મોત.

પોલીસ મથકેથી પ્રાપ્ત માહિતી અનુસાર રાત્રીનાં સાડા આઠ વાગ્યાનાં સમયગાળા દરમિયાન ઝંખવાવ વાડી રોડ ઉપર બંધ ડીઝલ પંપ પાસે હ્યુડાઈ કંપનીની ક્રિયાટા ગાડી નંબર જીજે 19 એ એફ 3640 અને એક્ટિવા ગાડી સાથે એક્સિડન્ટ થયો હતો. ગાડીનાં ચાલકે પૂરઝડપે અને ગફલત રીતે હંકારી એક્ટિવા ચાલકને અડફેટે લેતા માથાના ભાગે તેમ જ પેટનાં ભાગે ગંભીર ઇજા થતા જમણા પગમાં ફેક્ચર થયું હતું અને તેનું મોત નીપજયું હતું. તેમની પત્ની તારા બેન ને 108 માં પ્રાથમિક સારવાર માટે ઝંખવાવ લાવવામાં આવી હતી, વધુ સારવાર અર્થે સરદાર હોસ્પિટલ બારડોલી ખાતે ખસેડવામાં આવી હતી. આ અંગે ફરિયાદ ઈશ્વરભાઈ માલા ભાઈ ચૌધરી રહે. વેગી, માંડવીએ ઉમરપાડા પોલીસ મથકે નોંધાવી હતી. ઉમરપાડા પોલીસે ફરિયાદ નોંધી વધુ તપાસ હાથ ધરી છે.