માંગરોળ તાલુકાના મોસાલી ગામના બજારમાં વરલી મટકાનો જુગાર રમાડતા એક ઇસમને પોલીસે ઝડપી લીધો હતો.
માંગરોળ પોલીસે બાતમીને આધારે મોસાલી બજારમાં રેડ કરતા એક ઈસમ વરલી મટકાના સાટાના અંકો પર આવતા જતા લોકો પાસેથી પૈસા લઈ હારજીતનો જુગાર રમાડી રહ્યો હતો. પોલીસે ઝડપી પાડેલા ઈસમનું નામ પુછતા વિશાલભાઈ કાલીદાસભાઈ વસાવા રહે. બાપુનગર ફળિયું, મોસાલી ગામ તાલુકો માંગરોળનો હોવાનું જણાવ્યું હતું. પોલીસે તેની પાસેથી મુંબઈથી નીકળતા મીલન બજારના અંકોની બુકો તેમજ જુગારનું સાહિત્ય અને રોકડા રૂપિયા 470 કબજે લઇ જુગાર ધારાની કલમ હેઠળ કાયદેસરની કાર્યવાહી કરી હતી.
Advertisement
વિનોદ મૈસુરિયા : વાંકલ
