ઉમરપાડા તાલુકાના નસારપુર ગામે તાલુકા વિકાસ અધિકારીની ઉપસ્થિતિમાં રાત્રે ગ્રામસભા યોજાતા લોકોએ ગ્રામસભામાં ઉત્સાહપૂર્વક ભાગ લીધો હતો. ઉપરોક્ત ગ્રામસભામાં સરપંચ ગીતાબેન વિજેસીંગભાઇ વસાવા, ઉમરપાડા તાલુકા હેલ્થ ઓફિસર, માજી જિલ્લા પંચાયતના સદશ્ય શાંતિલાલભાઇ વસાવા તથા નસારપુર ગામના ગામના ગ્રામજનો હાજર રહ્યા હતા. જેમાં રસ્તા, પાણી અને સસ્તા અનાજની દુકાન બાબતે લોકોને કનડતા પ્રશ્નોની ચર્ચા કરવામાં આવી.
નસારપુર ભગત ફળિયા થી ઝરપણ જોડતો રસ્તો નસારપુર ભગત ફળિયાથી ઉંમર ફળિયા જોડતો માર્ગ જર્જરિત હાલતમાં અને કાચો છે જેથી ભગત ફળિયા ના લોકોને સરળતા રહે એ માટે આ રસ્તાઓની દરખાસ્ત કરી પાકા બનાવવાની માંગ રામસભામાં ઉઠી હતી સાથે સસ્તા અનાજની દુકાન મહિનામા એક અઠવાડિયા સુઘી ખુલ્લી રાખવાની માંગ કરી હતી જેથી બધાને અનાજ વિતરણ સારી રીતે થઈ શકે ગ્રામસભા ઉપસ્થિત સરકારી પ્રતિનિધિઓ દ્વારા આ પ્રશ્નો ઉકેલવાની હાલ ખાતરી આપવામાં આવી છે અન્ય નાના-મોટા પ્રશ્નોની ચર્ચાઓ તંદુરસ્ત લોકશાહી ઢબે ગ્રામસભામાં થઈ હતી.
વિનોદ મૈસુરિયા : વાંકલ
