ગુજરાત પ્રદેશ કોંગ્રેસ સમિતિના પ્રમુખ જગદીશ ઠાકોરની સૂચના અનુસાર ઉમરપાડા તાલુકા કોંગ્રસ સમિતિના પ્રમુખ તરીકે હરીશ વસાવાની પુનઃ નિમણૂક કરવામાં આવતા સમગ્ર ઉમરપાડા અને માંગરોળ તાલુકામાં આનંદની લહેર કાર્યકરોમાં જોવા મળી રહી છે. તેઓ સંગઠનમાં માહિર છે તેમને વર્ષોનો અનુભવ છે. પાર્ટી તરફથી અનેક કાર્યક્રમોમાં સક્રિય રીતે કોંગ્રેસ પક્ષને મજબૂત કરવાનું પ્રયત્નો કર્યા છે.
તેમની કારકિર્દીમાં તેઓ ગ્રેજ્યુએટ છે.સતત બે વર્ષથી વાડી ગામના સરપંચ તરીકે સેવા આપી હાલ અનેક રાજકીય પ્રવૃત્તિ તેમના દ્વારા કરવામાં આવી, મેડિકલ કેમ્પ, કોવિડ સહાયના ફોર્મ ભરવામાં મદદરૂપ બન્યા હતા, કોંગ્રેસ ડિજીટલ મેમ્બર શીપની પણ તેમની કામગીરી સંતોષકારક રહી હતી. મોંઘવારી ભાવ વધારો, બેકાર યુવાનોને રોજગાર મળે તે માટે અનેક વખતોવખત તેમણે સરકાર સામે વિરોધ નોંધાવ્યો હતો. લોકોના પ્રશ્નોને વાંચા આપવા તેઓ સતત લડતા રહ્યા. તાપી પારલિંક યોજનાનું પણ તેઓ સતત વિરોધ કરતા રહ્યા, આ એમની કામગીરી સંતોષ કારક જણાતા એમને ફરી ઉમરપાડા કોંગ્રેસ સમિતીના પ્રમુખ તરીકેનો ચાર્જ પ્રદેશ પ્રમુખ તરફથી થતા ઉંમરપાડા અને માંગરોળ તાલુકાના કાર્યકરોમાં ઉત્સાહ જોવા મળી રહ્યો છે અને આવનાર વિધાનસભાની ચુંટણીમાં તેઓ સંગઠન કરી મહત્વની ભૂમિકા ભજવશે.
વિનોદ મૈસુરિયા : વાંકલ
