વડોદરામાં વાડી વિસ્તારના રંગમહાલમાં આવેલ એક ત્રણ માળનું જર્જરિત મકાન ધરાશાયી થતાં કેટલાક વાહનો કાટમાળ નીચે દબાયા હતા તો એક વ્યક્તિને ઇજા થવા પામી છે. રંગમહાલમાં મકાન પડતાં 3 બાઇક દબાયાની પણ માહિતી સાંપડી રહી છે. મકાન ધરાશાયી થતાં અફરાતફરીનો માહોલ સર્જાયો હતો. ધડાકાભેર મકાન ધરાશયી થતાંની સાથે વિસ્તારના લોકો સ્થળ પર દોડી આવ્યા હતા અને ફાયર બ્રિગેડને કરવામાં આવતા તુરંત જ લાશ્કરો સ્થળ પર દોડી ગયા હતા. ફાયર બ્રિગેડના લાશ્કરોએ કાટમાળ નીચે કોઈ દબાઇ ગયું છે કે નહીં તે અંગેની કામગીરી શરૂ કરી હતી. જોકે, કાટમાળ નીચેથી કોઇ મળી આવ્યું ન હતું. આ મકાનમાં કોઇ રહેતું ન હોવાથી મોટી દુર્ઘટના ટળી ગઇ હતી.
Advertisement
