વડોદરાથી અમદાવાદ જતાં નેશનલ હાઇવે 48 પર એરફોર્સ બ્રિજ દરજીપૂરા ખાતે ટ્રક સાઈડમાં લેતા બે ટ્રકો વચ્ચે અકસ્માત સર્જાયો હતો. બંને ટ્રક બ્રિજ નીચે પડતાં માંડ બચી હતી. સદનસીબે બંને ટ્રકના ડ્રાઈવરોને નાની-મોટી ઇજાઓ થઈ હોવાની માહિતી સાંપડી રહી છે. હાઇવે પોલીસ તથા હરણી પોલીસ બનાવના પગલે ઘટના સ્થળે દોડી ગઈ હતી અને ટ્રાફિક નિયમનની કામગીરી સંભાળી હતી. સદર બનાવ તરીના 3 વાગ્યાની આસપાસ બન્યો હોવાની આશંકા સેવાઇ રહી છે. આ લખાઈ છે ત્યાં સુધી બ્રિજ પરથી અકસ્માત સર્જનાર ટ્રકોને હટાવાઈ નથી જેના કારણે ટ્રાફિકની સમસ્યા સર્જાવા પામી છે.
Advertisement
