વડોદરાના ઉંડેરા રોડ પર મોડી રાત્રે એક કન્ટેનરમાંથી દારૂનો મોટો જથ્થો મળી આવતા પોલીસે કન્ટેનર કબજે કરી તેના ડ્રાઇવર તેમજ માલિકની શોધખોળ હાથ ધરી છે. ઉંડેરા રોડ ઉપર રિલાયન્સ કંપનીના વી વીઆઈપી ગેટ સામે જાદવ નગરમાં એક કન્ટેનરમાં દારૂનો જથ્થો હોવાની વિગતો મળતા જવા નગર પોલીસની ટીમે તપાસ કરી હતી. જે દરમિયાન કન્ટેનર મળી આવતા પોલીસે અંદર તપાસતા દારૂની બોટલો મળી આવી હતી.
પોલીસે કુલ રૂ.5.91 લાખ ની કિંમતની દારૂની જુદી જુદી બ્રાન્ડની 1182 નંગ બોટલ 120 ક્રેટ તેમજ રૂ 12 લાખની કિંમતનું કન્ટેનર મળી કુલ રૂ 18 લાખની મતા કબજે કરી હતી. જ્યારે કન્ટેનરના ડ્રાઇવર તેમજ માલિકને વોન્ટેડ જાહેર કર્યા છે.
Advertisement
