વાઘોડિયા તાલુકાના ઈશ્વરપુરા ગામ ખાતે અગાઉ કેટલાક અજાણ્યા ઈસમોએ ઈશ્વરપુરા ગામને ટાર્ગેટ બનાવી આ ગામના રહીશોને મારમારી તેમજ છુટા પથ્થર મારી ઇજાઓ પહોંચાડી કેટલાક રહીશોના મકાનમાંથી સોના ચાંદીના દાગીનાઓની લૂંટ ચલાવી આ અજાણ્યા લૂંટારાઓ નાસી છૂટ્યા હતા. જે આ બનાવનો ગુનો વાઘોડિયા પોલીસ સ્ટેશનમાં તારીખ.૨૮.૧.૨૦૧૯ નાં રોજ નોંધાયો હતો.
નોંધાયેલા આ ગુનામાં પોલીસએ તપાસ કરી પોલીસની કાર્યવાહીમાં અગાઉ સાતથી આઠ આરોપીઓને પોલીસે ઝડપી પાડ્યા હતા અને કેટલાક આ ગુનાના આરોપીઓ નાસતા ફરતા હતા જેને લઇ પોલીસ આ નાસતા ફરતા આરોપીને શોધી રહી હતી. ત્યારે આ ગુનાનો નાસતો ફરતો આરોપી મધ્યપ્રદેશ રાજ્યના જામુવા જિલ્લાનાં બોડીસર ગામનો કાસૂલોભાઈ દિપસગ બારીયા નામનો ધાડનાં ગુનાનો આરોપી છેલ્લા ચાર વર્ષથી નાસતો ફરતો હતો. આ નાસતા ફરતા આરોપીની ચોક્કસ બાતમી મળતા આ આરોપીને પેરોલ સ્કોડની ટીમે વડોદરાના ભાયલી ગામેથી ઝડપી પાડી વાઘોડિયા પોલીસ સ્ટેશનએ આગળની કાર્યવાહી માટે સોંપવામાં આવ્યો છે.
