ગુજરાત પોલીસ દ્વારા ગ્રેડ પે ની માંગણીના સમર્થનમાં કોંગ્રેસ દ્વારા કરજણ ટોલ નાકા નજીક ચક્કાજામનો કાર્યક્રમ આયોજિત કરવામાં આવ્યો હતો.જેમાં કરજણ તાલુકા કોંગ્રેસ સમિતિના પ્રમુખ પીન્ટુ પટેલ સહિત કોંગી કાર્યકરોએ સૂત્રોચ્ચાર કર્યો હતો. મીડિયા સમક્ષ કરજણ તાલુકા કોંગ્રેસ સમિતિના અધ્યક્ષ પીન્ટુ પટેલે જણાવ્યું હતું કે જે પ્રજાની સુરક્ષા માટે ૨૪ કલાક ખડેપગે તૈનાત રહે છે.
તે પોલીસ કર્મીઓના ગ્રેડ પે વેતનમાં સરકારે વધારો કરવો જોઈએ. જો આ બાબતે સરકાર દ્વારા કોઈ નિરાકરણ લાવવામાં નહિ આવે તો કોંગ્રેસ દ્વારા ઉગ્ર આંદોલન કરવાની ચીમકી તેઓએ ઉચ્ચારી હતી. ટોલનાકા નજીક ચક્કા જામ કરી રહેલા કોંગી આગેવાનો સહિત કાર્યકરોની પોલીસે અટકાયત કરી હતી.
યાકુબ પટેલ, કરજણ
Advertisement
