વડોદરા નેશનલ હાઈવે પર અકસ્માત સર્જાતાં બે વ્યક્તિ ઘાયલ.

વડોદરા નેશનલ હાઇવે પર અવારનવાર અકસ્માતો સર્જાતા રહે છે ગઇકાલે પણ ટેન્કર અને કાર વચ્ચે અકસ્માત સર્જાતાં બે વ્યક્તિઓ ઘાયલ થયા હતા.

વડોદરા નેશનલ હાઇવે પર ગઇકાલે સાંજના સમયે ટેન્કર અને કાર વચ્ચે અકસ્માત સર્જાયો હતો જેમાં કારચાલક બે વ્યક્તિઓને ગંભીર ઇજાઓ પહોંચી હતી તેમજ અકસ્માતના પગલે કારનો કચ્ચરઘાણ વળ્યો હતો. આ અકસ્માતો સર્જાતા બે વ્યક્તિઓ કારમાં ફસાઈ ગયા હતા જેને ભારે જહેમત બાદ ફાયર બ્રિગેડની ટીમે આબાદ બચાવ કર્યો હતો. સદનસીબે આ અકસ્માતમાં કોઈ મોત થયું નથી અને ઈજાગ્રસ્તને સારવાર અર્થે વડોદરાની એસએસજી હોસ્પિટલમાં તાત્કાલિક ધોરણે ખસેડવામાં આવ્યા હતા. વડોદરા નેશનલ હાઈવે પર સર્જાયેલા અકસ્માત બાદ ત્રણ કલાક સુધી ટ્રાફિક જામના દ્રશ્યો જોવા મળ્યા હતા.