તારીખ ૦૧-૦૧-૨૦૧૮ નાં રોજ ન્યૂ યરની ઉજવણી કરીને દારૂના નશામાં બેફામ બનેલા કાર ચાલકોએ ફતેગંજ વિસ્તારમાં અકસ્માત સર્જયો હતો. આ અકસ્માત CCTVમાં કેદ થઇ ગયો હતો. અકસ્માત બાદ એક યુવક દારૂની બોટલ બહાર ફેંકતો જોવા મળ્યો હતો.
વડોદરા શહેરના ફતેગંજ વિસ્તારમાં આવેલા ચર્ચ પાસે રાત્રીનાં અઢી વાગ્યાની આસપાસ એક કાર ચાલક નબીરાએ સ્ટેઇરિંગ પરથી કાબુ ગુમાવી દીધો હતો. જેથી કાર ચર્ચ પાસેના ઝાડ પર કાર ધડાકાભેર અથડાઇ હતી. ત્યારબાદ કારમાંથી બહાર નીકળેલા યુવકોએ રસ્તા પર દારૂની બોટલ ફેંકી હતી. આ સમગ્ર ઘટના નજીકના CCTVમાં કેદ થઈ ગઇ હતી. આ અકસ્માત રાત્રીના અઢી વાગ્યાની આસપાસ સર્જાયો હતો. અકસ્માત સમયે આસપાસ ઉભેલા યુવકો ઘટના સ્થળે દોડી આવ્યા હતા જ્યારે કારચાલક સહિત કારમાં બેઠેલા યુવકો ચિક્કાર નશો કરેલી હાલતમાં હોવાનું જાણવા મળ્યુ છે.
એક તરફ જ્યારે પોલીસ નશાખોરો પર બાજ નજર રાખવાની વાતો કરે છે, ત્યારે દારૂના નશામાં ફરતા યુવકોએ પોલીસની કામગીરીની પોલ ખોલી દીધી છે.
સૌજન્ય
