વડોદરાના પૂર્વ વિસ્તારમાં અજાણ્યા શખ્સ એ અજગરને મારી નાંખતા જીવદયા પ્રેમીઓમાં રોષ.

વડોદરાના પૂર્વ વિસ્તારમાં આજે સવારે કોઈ અજાણ્યા શખ્સે અજગરને દોરીથી બાંધી ગળું અને મોં કાપી નાખતા વાઈલ્ડ લાઈફ રેસ્કયુ ટ્રસ્ટના કાર્યકરો તાત્કાલિક સ્થળ પર પહોંચીને આ અજગરને ફોરેસ્ટ ડિપાર્ટમેન્ટને સોંપ્યું હતું. અંદાજિત છ ફુટની લંબાઇ ધરાવતા અજગરને કોઈ અજાણ્યા શખ્સે ગળું અને મોં કાપીને મારી નાંખ્યો હોય વાઈલ્ડ લાઈફના સભ્ય જીગ્નેશભાઈ સોલંકીને અને કરજણથી પ્રવિણ ભાઈનો ફોન આવતા તેઓ તાત્કાલિક દોડી ગયા હતા. આ અજગરને સહી-સલામત રેસ્કયુ કરી ફોરેસ્ટ ડિપાર્ટમેન્ટને આપ્યો છે. આ રીતે અજગરનું ગળું અને મોં કાપી નાંખવામાં આવતા જીવદયા પ્રેમીઓમાં રોષની લાગણી ફેલાઈ જવા પામી છે. ફોરેસ્ટ ડિપાર્ટમેન્ટ અજગરનું પોસ્ટમોર્ટમ કરીને આગળની કાર્યવાહી કરશે તેવું વાઈલ્ડ લાઈફ રેસ્કયુ ટ્રસ્ટના પ્રમુખ અરવિંદભાઈ અશોકભાઈ પવારે મીડિયા સમક્ષ માહિતી આપતા જણાવ્યું છે.