વડોદરા એમ.એસ યુનિવર્સિટી આર્ટસ ફેકલ્ટીના વિદ્યાર્થીએ આપઘાત કરી જીવન ટૂંકાવ્યું.

વડોદરાની એમ.એસ યુનિવર્સિટીમાં અભ્યાસ કરતા આર્ટસ ફેકલ્ટીના વિદ્યાર્થી એ ગળાફાંસો ખાઇ લેતા યુનિવર્સિટીમાં ગમગીની છવાઇ ગઇ છે.

વિદ્યાર્થીઓમાં આપઘાતના કિસ્સાઓ વધતા જાય છે ત્યારે વડોદરામાં અભ્યાસ કરતો અને મુળ બિહારનો વિદ્યાર્થી આનંદ શર્માએ ગળા ફાંસો ખાઈ જીવન ટુંકાવ્યું છે. આ વિદ્યાર્થી એમ.એસ.યુનિવર્સિટીના આર્ટસ ફેકલ્ટીમાં દ્વિતીય વર્ષમાં અભ્યાસ કરતો હતો. સેમેસ્ટર પૂર્ણ થતા તે ચાર દિવસ અગાઉ પોતાના ઘરે વેકેશન માણવા ગયો હતો ત્યારે અચાનક જ ગઈકાલે સાંજે મનમાં લાગી આવતા આપઘાત કરી લીધો હતો જેના કારણે ફેકલ્ટીમાં ગમગીનીનો માહોલ છવાઈ ગયો છે.

અત્રે નોંધનીય છે કે છેલ્લા ઘણા સમયથી વિદ્યાર્થીઓમાં આપઘાતના બનાવો વધુ પડતા બને છે ત્યારે આર્ટસ ફેકલ્ટીમાં અભ્યાસ કરતા એમ.એસ.યુનિવર્સિટી વિદ્યાર્થીએ આપઘાત કરી લેતા યુનિવર્સિટી કેમ્પસમાં ભારે શોકનું મોજું ફરી વળ્યું છે.