વાલિયા તાલુકાના ચોરાઅમલા ગામના બસ સ્ટેન્ડ પાસે ટ્રેક્ટર ચાલકે બાઈકને ટક્કર મારતા યુવાનનું ઘટના સ્થળેજ ગંભીર ઈજાઓને પગલે કરૂણ મૌત નીપજ્યું હતું.

પ્રાપ્ત માહિતી અનુસાર વાલિયા તાલુકાના વિઠ્ઠલગામના નિશાળ ફળિયામાં રહેતો ૪૫ વર્ષીય બળવંતભાઈ ઉર્ફે ઉપીન ખુશાલભાઈ બારોટ પોતાની મોટર સાઈકલ લઈ ગત રોજ બપોરના અરશામાં ચોરાઆમલા ગામના બસ સ્ટેન્ડ પાસે ટ્રેક્ટરનો ચાલક પુરપાટ અને ગફલતભરી રીતે રોંગ સાઈડમાં ધસી આવી બાઈકને અડફેટે લેતા અકસ્માત સર્જાયો હતો. સદર અકસ્માતમાં બળવંતભાઈ બારોટને માથામાં ગંભીર ઈજાઓ પહોંચતા તેઓનું ઘટના સ્થળે જ કરૂણ મૌત નીપજ્યું હતું. બનાવ અંગે વાલિયા પોલીસ મથકે અકસ્માત મૌત અંગેનો ગુનો નોંધવા પામ્યો છે.