વાપીમાં કપચી ભરેલી ટ્રક પલ્ટી ખાઈ ગઈ : ડ્રાઇવરનો આબાદ બચાવ

વાપીના છરવાડાનજીક ભીલખાડી પર બનાવેલ પુલ પરથી ટ્રક ખાબકી વાપીમાં કપચી ભરેલ ટ્રક પુલ પરથી પલ્ટી મારી હતી.વાપીના છરવાડા ગામ નજીક આ ટ્રક ભીલખાડી પર બનાવેલ પુલ પરથી પસાર થઇ રહી હતી ત્યારે ટ્રક ડ્રાઇવરે સ્ટીયરીંગ પરથી કાબુ ગુમાવતા ટ્રક પુલ પરથી નીચે પલ્ટી મારી હતી. આ ઘટનામાં ટ્રક ડ્રાઇવરનો આબાદ બચાવ થયો હતો. ઘટનાને પગલે લોકોના ટોળેટોળા એકઠા થઇ ગયા હતા અને પોલીસને જાણ કરી હતી. ઘટનાની જાણ થતાં પોલીસ ઘટના સ્થળે આવી પહોંચી હતી અને વધુ તપાસ હાથ ધરી હતી. ઉલ્લેખનીય છે કે આ ટ્રક ડ્રાઇવર કન્સ્ટ્રકશનનું કામ ચાલતું હોવાથી કપચી લઇને જઇ રહ્યો હતો. આ દરમિયાન આ ઘટના ઘટી હતી