ઝધડીયા- અવિધા ગામે બે મહિલાઓ વચ્ચેની તકરાર માં કુહાડી થી હુમલો કરાયો હોવાની ફરિયાદ

ઝઘડીયા તાલુકાના અવિધા ગામે જાંબુડા ફળિયામાં રહેતી બે મહિલાઓ વચ્ચે ઝગડો થતા એકે બીજી મહિલા પર કુહાડી થી હુમલો કર્યો હોવાની ફરિયાદ લખાવા પામી છે.રાજપારડી પોલીસ માંથી મળતી વિગતો મુજબ અવિધા ગામે રહેતી શાંતાબેન હિરાભાઇ વસાવા ને તેનાજ ફળિયામાં રહેતી સરસ્વતીબેન મુકેશભાઇ વસાવાએ આવી કહ્યુકે તુ ફળિયામાં કેમ મારા વિષે ખરાબ વાતો કરે છે?તેમ કહીને ઝઘડો કરતા શાંતાબેને આ વાતનો ઇન્કાર કરતા સરસ્વતીબેન ઉશ્કેરાઇ ગયા હતા.અને ગાળો બોલીને તેના હાથમાંની કુહાડી શાંતાબેન ના માથાના ઉપરના ભાગે મારી દેતા શાંતાબેન પડી ગયા હતા.ત્યારે તેની દેરાણી અને ભત્રીજી એ વચ્ચે પડીને છોડાવી હતી.ત્યારબાદ સરસ્વતીબેન જતાં જતાં કહેતી ગઇ હતી કે હવે પછી જો ખરાબ વાતો કરીશ તો જાનથી મારી નાંખીશ.ત્યારબાદ મજુરીએ ગયેલ શાંતાનો પતિ આવી જતા શાંતાને એમ્બ્યુલન્સમાં ભરુચ સીવીલ હોસ્પિટલ માં સારવાર માટે લઇ ગયા હતા.વધુમાં જણાવ્યા મુજબ ઇજાગ્રસ્ત મહિલાને માથામાં પડેલ ઘા માંથી લોહી નીકળતુ હતું.ભરૂચ દવાખાના માંથી શાંતાબેને પોલીસ માં ફરિયાદ લખાવી હતી.જે મુજબ રાજપારડી પોલીસે ગુનો નોંધી તપાસ હાથ ધરી હતી.