ભરુચ જીલ્લાના ઝઘડિયા તાલુકાના લીમોદરા ગામે રહેતો કમલેશ ભીખાભાઈ વસાવા ઝગડિયા જીઆઇડીસીમાં એક ખાનગી કંપનીની બસ પર ડ્રાઇવર તરીકે ફરજ બજાવે છે. ગતરોજ કમલેશ તેના પરિવારજનો સાથે લીમોદરા ગામના નર્મદા કિનારે નહાવા માટે ગયો હતો. આ દરમિયાન તે પાણીમાં નહાતો હતો ત્યારે મગરે તેના પર હુમલો કર્યો હતો. મગરે તેના જમણા પગનો ભાગ જડબામાં લઈ તેને નદીના ઉંડા પ્રવાહમાં ખેંચવાનો પ્રયત્ન કર્યો હતો. આ દરમિયાન કમલેશે તાકાત કરી તેનો પગ મગરના જડબામાંથી છોડાવી પાણીની બહાર નીકળી આવ્યો હતો. મગરના હુમલાથી કમલેશ ગંભીર રીતે ઘવાયો હતો જેથી તેને એમ્બ્યુલન્સ મારફતે ભરૂચ સિવિલ હોસ્પિટલ ખાતે લઇ જવાયો હતો.
ગુલામહુશેન ખત્રી રાજપારડી જી.ભરુચ
Advertisement
