ભરૂચ જિલ્લાના ઝઘડીયા તાલુકાના રાજપારડી નજીક ત્રણેક દિવસ પહેલા સુરતનાં એક ટ્રેલર ચાલકને માર મારીને તેની પાસેથી રૂ.વીસ હજાર લુંટીને પાંચ ઇસમો ફરાર થઇ ગયા હતા. રાજપારડી પી.એસ.આઇ જે.બી.જાદવે પોલીસ જવાનોની ટીમો બનાવીને લુંટ કરનાર આરોપીઓને ઝડપી લેવા કવાયત હાથ ધરી હતી દરમિયાન પોલીસે રાજપારડી ચાર રસ્તા ખાતે ગોઠવવામાં આવેલ સીસીટીવી કેમેરાના ફુટેજ ચકાસીને આ ગુનામાં સંડોવાયેલા મનાતા પાંચ ઇસમોને ઝડપી લીધા હતા.
આ કામે પોલીસે આ ગુનામાં વપરાયેલ બે મોટરસાયકલ તેમજ લુંટાયેલ રૂ.વીસ હજારની કિંમતની ચલણી નોટો સહિત રવિન્દ્રભાઇ ઉર્ફે ભયો ભીમાભાઇ વસાવા, રહે.પ્રતાપનગર જિ.નર્મદા, સુરજભાઇ ઉર્ફે કાળિયો શીતલભાઇ વસાવા રહે.ગામ પ્રતાપનગર જિ.નર્મદા, મિથુનભાઇ ઉર્ફે મિઠ્યા શીતલભાઇ વસાવા રહે.પ્રતાપનગર, સુરેશભાઇ ભુરાભાઇ વસાવા રહે.જુના રાજુવાડીયા જિ.નર્મદા અને કિશનભાઇ પ્રભાતભાઇ વસાવા રહે. ભિલવાડા જિ.નર્મદાને હસ્તગત કરીને કાયદેસર કાર્યવાહી હાથ ધરી હતી. રાજપારડી નજીક મુખ્ય ધોરીમાર્ગ પર માધુમતિ નદીના પુલ નજીક થયેલ આ લુંટની ઘટનાનો ભેદ રાજપારડી પોલીસે ગણતરીના સમયમાં ઉકેલી નાંખ્યો હતો.
ગુલામહુશેન ખત્રી રાજપારડી જિ.ભરૂચ
