ઝઘડીયા જીઆઇડીસીની કંપનીના સૌજન્યથી તલોદરા ગામે મેરેજ હોલ બનાવાયો.

ભરૂચ જિલ્લાના ઝઘડીયા તાલુકાના તલોદરા ગ્રામપંચાયતને મેરેજ હોલની અમૂલ્ય ભેટ ઝઘડીયા જી.આઈ.ડી.સી ખાતે આવેલી કોહલર કંપનીના સૌજન્યથી ઉપલબ્ધ બની છે.

મળતી વિગતો મુજબ કોહલર ઈન્ડિયા કંપની દ્વારા બનાવેલ મેરેજ હોલ કીચન, ૨૪ કલાક વિજળી અને પાણીની સુવિધાઓ તેમજ ટોઈલેટ બાથરૂમની સવલત સાથેનો હોવાથી તલોદરાના ગ્રામજનોને માટે સુંદર સુવિધા ઉપલબ્ધ બની છે. તલોદરા ગ્રામપંચાયતના સરપંચ વિઠ્ઠલભાઈ તેમજ ઉપસરપંચ કલ્પેશભાઈના સહયોગથી તલોદરા ગામને કોહલર ઈન્ડિયાનાં સૌજન્યથી બનેલ મેરેજ હોલ પ્રાપ્ત થતા ગ્રામજનોમાં આનંદ છવાયો હતો. કોહલર કંપની દ્વારા તલોદરાના ગ્રામજનોને માટે લગ્ન તેમજ અન્ય સામાજિક પ્રસંગોમાં ઉપયોગી થાય એવા હોલની સુવિધા ઉપલબ્ધ બનાવાતા લોકોમાં અનેરો ઉત્સાહ જોવા મળ્યો હતો.

ગુલામહુશેન ખત્રી રાજપારડી જિ.ભરૂચ