ભરૂચ જિલ્લાના ઝઘડિયા તાલુકાના હરિપુરા ગામે રહેતા કમલેશભાઇ દશરથભાઈ વસાવા ગત તા. ૨૦ મીના રોજ જમી પરવારી ઘરની બહાર નીકળતા હતા તે વખતે તેમના ફળીયામાં રહેતો છના જેઠાભાઈ વસાવા તેમના ઘરે આવ્યો હતો અને કહેતો હતો કે તને વધારે મસ્તી છે, તું પેલા આપણા ગામના દિલીપ રવિયા સાથે કેમ ફરે છે? તેમ કહી કમલેશને ગમેતેમ માં બેન સમાણી ગાળો બોલવા લાગ્યો હતો. કમલેશે ગાળો બોલવાની ના પાડતા છનાએ ઉશ્કેરાઇ જઇને કમલેશને ઢીકાપાટુનો માર માર્યો હતો. તે વખતે છનાનુ ઉપરાણું લઇને તેનો પુત્ર રાકેશ તથા દેવરાજ તેમજ છનાની પત્ની સરોજ પણ આવીને કમલેશને ઢીકાપાટુનો માર મારવા લાગ્યા હતા. કમલેશની પત્નીએ વચ્ચે પડીને વધુ મારમાંથી બચાવ્યો હતો. છના વસાવાએ ત્યારબાદ આ વખતે તું બચી ગયો બીજી વાર મળશે તો તારા ટાંટિયા ભાગી નાખીશ એમ કહીને ધમકી આપી હતી. વધુ માર માંથી બચવા કમલેશ તેના નાના ભાઈ શૈલેષના ઘરે જતો રહ્યો હતો. તેને માર માર્યો હોય વાલીયા સરકારી દવાખાને સારવાર માટે લઈ ગયા હતા. આ અંગે કમલેશ દશરથભાઈ વસાવાએ છના જેઠાભાઈ વસાવા, રાકેશ છના વસાવા ,દેવરાજ છના વસાવા અને સરોજ છના વસાવા તમામ રહે.હરીપુરા (આંબોસ) તા. ઝઘડિયા વિરુદ્ધ ઝઘડિયા પોલીસ મથકમાં ફરિયાદ લખાવી હતી.
ગુલામહુશેન ખત્રી રાજપારડી જિ.ભરૂચ
