અંકલેશ્વર અને પાનોલી જી.આઈ.ડી.સી.માં ચોરી કરતા ચોર બંગાળીઓની નજર હવે ઝઘડીયા જીઆઇડીસી પર પડી છે. થોડા દિવસ અગાઉ એક ટેમ્પો MTZ કંપની પાસે ઝડપાયો હતો. જેમાં આ ટેમ્પો અંકલેશ્વરમાં ભંગારીયાનો હોવાનું બહાર આવ્યું હતું ત્યાં હજુ પોલીસ તપાસ કરે છે ત્યારે ઝઘડીયા જીઆઇડીસીમાં આવેલ ન્યુ બર્ગ એન્જિનિયરિંગ કંપનીમાં ત્રણથી ચાર જેટલા લોકો કંપનીના કમ્પાઉન્ડની દીવાલ કૂદી ખુલ્લા પ્લોટમાંથી સ્ટીલની પ્લેટો 175 કિલો તેની બજાર કિંમત 75 હજાર જેટલી થાય છે તે ચોરી કરી ફરાર થઈ ગયા હતા. કંપનીના અધિકારીને જાણ થતા તેમણે સીસીટીવી ફૂટેજ ચેક કરતા ત્રણથી ચાર જેટલા ચોરો સ્ટીલની પ્લેટોની ચોરી કરી જતા નજરે પડયા હતા. આ મામલે ઝઘડિયા પોલીસને જાણ કરતાં ચોરી અંગે ગુનો દાખલ કરી તપાસ શરૂ કરી છે.
Advertisement
