અંકલેશ્વર રાજપીપળા રોડ અને દઢાલ ઉછાલી આસપાસના માર્ગોને તાત્કાલિક ધોરણે તંત્ર સુધારે તે માટે જિલ્લા કોંગ્રેસ ઉપ પ્રમુખે કરી રજુઆત.

ભરૂચ જિલ્લામાં વરસાદી માહોલ બાદ ઠેરઠેર કેટલાય સ્થળે રસ્તાઓનું ધોવાણ થયું છે, મસમોટા ખાડા પડવાના કારણે વાહન ચાલકોને વાહન હંકારવામાં પણ મુશ્કેલીઓનો સામનો કરવો પડી રહ્યો છે, જિલ્લાના અંકલેશ્વરમાં પણ કંઇક આજ પ્રકારની સ્થિતીનું સર્જન થયું છે, જ્યાં કેટલાય એવા વિસ્તારો છે જ્યાં મસમોટા ખાડા અને બિસ્માર માર્ગો આજકાલ લોકો માટે માથાના દુખાવા સમાન અને મુશ્કેલી સમાન બન્યા છે.

આજરોજ ભરૂચ જિલ્લા કોંગ્રેસ સમિતિના ઉપ પ્રમુખ ગુલામભાઈ સિંધા દ્વારા એક રજૂઆત R&B ના કાર્યપાલક એજીનીયર અને નોટિફાઇડ એરિયા અંકલેશ્વરને કરવામાં આવી હતી, જેમાં તેઓએ માંગ કરી હતી કે O.N.G.C ઓવર બ્રિજ અંકલેશ્વરથી શરૂ થતાં રાજપીપળા રોડ ઉછાલી સુધીના માર્ગો તદ્દન બિસ્માર બન્યા હોય જેને તાત્કાલિક ધોરણે રીપેરીંગ કાર્ય હાથ ધરી સારા કરવામાં આવે તેવી માંગ કરવામાં આવી હતી.