વડોદરામાં ઉત્તરાયણ પર્વ પહેલાં પોલીસ વિભાગ સતર્ક બન્યું છે, શહેરમાં ઉત્તરાયણના પર્વ પહેલા જે પ્રકારે ચાઈનીઝ દોરીથી ગળા કપાવવાના બનાવો બન્યા હતા જે બાદ હવે પોલીસે કડક એક્શનમાં આવી ચાઈનીઝ દોરીનું વેચાણ કરતા તત્વો સામે તવાઇ બોલાવી છે.
વડોદરાના છાણી અને સીટી પોલીસે ચાઇનીઝ દોરી વેચતાં 5 ઇસમોને ઝડપ્યાં છે, તેમજ હાથીખાનામાંથી ચાઇનીઝ દોરીની 20 રીલ સાથે ત્રણની ધરપકડ કરી છે, તો દશરથ વિસ્તારમાંથી પણ ચાઇનીઝ દોરીની 30 રીલ સાથે બે ઝડપાયાં હતા.
Advertisement
વડોદરામાં ચાઇનીઝ દોરીથી બે નાગરિકોનાં મોત બાદ પોલીસની સઘન કાર્યવાહી કરી છે, તેવામાં ચાઈનીઝ દોરીનું વેચાણ કરતા વિક્રેતાઓમાં હવે પોલીસનો ભય જોવા મળી રહ્યો છે.
