લીંબડી ધંધુકા રોડ પર કાર પલ્ટી ખાઈ જતાં સર્જાયો અકસ્માત, પાંચ વ્યક્તિ ઇજાગ્રસ્ત

લીંબડી ધંધુકા રોડ પર અચારડાના પાટીયા પાસે કાર પલ્ટી ખાઈ જતાં અકસ્માત સર્જાતાં કાર બેસેલા પાંચ વ્યક્તિઓને ગંભીર ઈજાઓ પહોંચી હતી.

ધંધુકા પાસે આવેલ સોનઠાં ગામે લગ્નમાંથી પરત ફરી રહ્યા હતાં તે સમયે લીંબડી નજીક અચારડાના પાટીયા પાસે કુતરૂ આડું ઉત્તરતા કાર ચાલકનું સ્ટેરીંગ પરનું કાબુ ગુમાવતાં કાર એકાએક પલ્ટી ખાઈ ગઈ હતી. જ્યારે કારમાં સવાર મયુરભાઈ સુરેશભાઈ રહે સુરેન્દ્રનગર, હરપાલસિંહ ગોવિંદસિંહ રહે.દરોદ, વિશ્ર્વપાલસિંહ પરમાર રહે. સુરેન્દ્રનગર, કુલદિપસિંહ જોરૂભા રહે. શેખપર, પ્રદયુમનસિંહ ચાવડા રહે સાયલા સહિતને ગંભીર ઈજાઓ થતાં સારવાર અર્થે ૧૦૮ દ્વારા લીબડી સરકારી હોસ્પિટલમાં ખસેડવામાં આવ્યાં હતાં. આ બનાવની જાણ લીંબડી પોલીસે ઘટના સ્થળે પહોંચી વધુ તપાસ હાથ ધરી હતી.

કલ્પેશ વાઢેર સુરેન્દ્રનગર