વડોદરામાં ઘરમાં વન્યજીવો રાખનાર સામે હવે આખરી કાર્યવાહી, 3 સ્થળ પરથી 11 પોપટનું રેસ્ક્યૂ

કેન્દ્ર સરકારે તમામ વન્ય જીવોને શિડ્યુલ 1 અને 2માં સમાવેશ કરતાં વન વિભાગ હરકતમાં આવ્યું છે. મંગળવારે શહેરના વિવિધ વિસ્તારમાં સામાજિક સંસ્થા જીએસપીસીએના રમેશ આઈસની સાથે તપાસ હાથ ધરીને 11 પોપટને રેસ્ક્યૂ કરવામાં આવ્યા હતા.

આ અંગે રમેશભાઈએ કહ્યું કે, છાણી, રાવપુરા અને બાપોદમાંથી પોપટ મળ્યા હતા. પોતાના શોખ માટે ઘરમાં પોપટ પીંજરામાં રાખનાર લોકોને નવા કાયદાની સમજ અપાઈ હતી. છાણી ગુરુદ્વારા પાસે 3 ઘરમાંથી પોપટ મળી આવ્યા હતા. નવા કાયદા મુજબ દંડ અને જેલની સજાની જોગવાઈ છે ત્યારે આ કાયદાથી અજાણ લોકો સ્વૈચ્છિક રીતે પોપટ વન વિભાગને આપે છે અને લેખિતમાં બાંહેધરી આપે છે. જેથી તેમની સામે ગુનો નોંધાયો નથી 10 દિવસ સુધી આ અભિયાન ચાલુ રહેશે.