ભરૂચ જીલ્લા માં ધોરણ 10 બોર્ડની પરીક્ષા નું પરિણામ જાહેર, વિધાર્થીઓ માં અનેરો ઉત્સાહ,ગત વર્ષ કરતા સારું રહ્યું જિલ્લા નું પરિણામ…તમામ વિધાર્થીઓને શુભેચ્છાઑ
ભરૂચ જિલ્લાનું ગત વર્ષનું પરીણામ 61.07 ટકા હતું જે વધીને પાછલા ચાર વર્ષમાં વધીને આ વર્ષે 81.12 ટકા પરિણામ જાહેર થયું છે. જિલ્લામાં 385 વિદ્યાર્થીઓ A વન ગ્રેડ મેળવ્યો છે.ગુજરાત માધ્યમિક શિક્ષણ બોર્ડ દ્વારા ધોરણ 10ની બોર્ડની પરીક્ષા 11 થી 28 માર્ચ, 2024 દરમિયાન લેવામાં આવી હતી.
ભરૂચ જિલ્લામાં ધોરણ 10ની પરીક્ષા માટે 82 બિલ્ડીંગમાં 17,521 વિદ્યાર્થીઓ નોંધાયા હતા. જેમાંથી 17,337 વિદ્યાર્થીઓ હાજર રહી પરીક્ષા આપી હતી. જ્યારે 184 વિદ્યાર્થીઓ ગેરહાજર રહ્યા હતા. આજે સવારે જાહેર થયેલા ધોરણ 10 ના પરિણામમાં કુલ 14,064 વિદ્યાર્થીઓ પાસ થયા છે. જ્યારે 3273 વિદ્યાર્થીઓ નપાસ થતાં કહી ખુશી કહી ગમનો માહોલ જોવા મળી રહ્યો છે.
