ભરૂચ.
ઝઘડિયા મેઇન બજારમાં હાલમાં બ્લોક બેસાડવાની કામગીરી ચાલી રહી છે .જેના પગલે સ્થળ પર રેતી-ડસ્ટ ભરીને આવતી ટ્રકોની અવરજવર વધી ગઇ છે. દરમિયાનમાં મેઇન બજારમાં કોઇ કારણસર ભૂવો પડી ગયો હતો. બીજી તરફ એક ટ્રકમાં ડસ્ટ ભરીને એક ટ્રક આવી હતી. દરમિયાનમાં ડસ્ટ ખાલી કરવા માટે ગયેલી ટ્રક ભૂવામાં ફસાઇ જતાં ટ્રકનો ક્લિનર તરફનો ભાગ હવામાં થઇ ગયો હતો. ટ્રકમાંનો ડસ્ટ ટ્રકમાંથી બહાર પડતાં એક બાઇક દબાઇ ગઇ હતી. બીજી તરફ ઘટનાને પગલે નજીકમાં આવેલી એક કેબીન પણ દબાઇ જતાં તેમાં બેસેલાં એક વેપારીને ઇજાઓ થતાં તેને સારવાર માટે ખસેડવામાં આવ્યો હતો.
