એલસીબીએ 15 હજાર રોકડા, ત્રણ મોબાઇલ મળી 45 હજારનો મુદ્દામાલ જપ્ત કર્યો
ભરૂચ.
Advertisement
ભરૂચ જિલ્લાના પોલીસ અધિક્ષક અક્ષયરાજ મકવાણાના માર્ગદર્શન હેઠળ જિલ્લામાં પ્રોહિબિશન અને જુગારના કેસો સામે કડક પગલા લેવામાં આવી રહ્યા છે. પોલીસ ઇન્સ્પેક્ટર એમ.પી. વાળા એલ.સી.બી. ભરૂચની ટીમે અંકલેશ્વરના રાજપિપળાર રોડ પર આવેલી સોનમ સોસાયટી પાછળ ગેરકાયદે ચાલી રહેલા જુગારખાનામાં દરોડો પાડી કાર્યવાહી કરી હતી. કાર્યવાહીમાં જુગાર રમતા 4 આરોપીઓ દિપ્તેશ અશોક પટેલ, આશિષ સુરેશ તિવારી, મોહિત રામપ્રસાદ માલી તેમજ રાજકમલ રમેશ માલીને ઝડપી પાડવામાં આવ્યા હતા. પોલીસે સ્થળ પરથી 15 હજાર રોકડા તથા ૦૩ મોબાઇલ ફોન સહિત કુલ કીમત 45 હજારથી વધુનો મુદ્દામાલ જપ્ત કર્યો છે. આ કેસમાં આરોપી વિરુદ્ધ ગુનો નોંધી વધુ તપાસ અંકલેશ્વર જી.આઇ.ડી. સી. પોલીસ દ્વારા હાથ ધરવામાં આવી છે.
