। ભરૂચ ।
ભરૂચ તાલુકાના હલદર ગો રહેતાં સંજય સુરેશભાઈ વસાવા અસુરિયા હોટલ ખાતે નાસ્તો લેવા માટે ગયાં હતાં. તેઓ હોટલ પાસે પહોંચ્યા તે વેળાં બે-ચાર લોકોનું ટોળું થયેલું જણાતાં તેમણે તેમની ગાડી બાજુમાં ઉભી રાખી ત્યાં જતાં એક ભિક્ષુક જેવા શખ્સનો મૃતદેહ મળી આવ્યો હતો. અજાણ્યા વાહન ચાલકે તેને ટક્કર મારતાં તેને કમરના નીચેના ભાગે ગંભીર ઈજાઓ થઈ હોવાથી તેનું સ્થળ પર જ મોત નીપજયું હતું. બનાવને પગલે તેમણે પોલીસને જાણ કરતાં પોલીસે દોડી આવી મૃતકના દેહને પોસ્ટોમોર્ટમ માટે ભરૂચ સિવિલ હોસ્પિટલમાં ખસેડી મૃતકની ઓળખ મેળવાની કવાયત હાથ ધરી હતી.
