ચેઈન હાથમાં નહીં આવતાં ગઠિયો તેની એક્ટીવા લઈ કરાર
ભરૂચના તુલસીધામ પાસેની ચિત્રકુટ સોસાયટીમાં બનેલી ઘટના
ભરૂચ
ભરૂચ શહેરના ઝાડેશ્વર રોડ પર આવેલી તુલસીધામ સોસાયટી પાસેની ચિત્રકુટ સોસાયટીમાં રહેતાં ૭૯ વર્ષીય કાનાકામ્મા વાસુદેવ પિલ્લઈ તેમના ઘરે એકલાં રહેતાં હતાં. તેમની પુત્રી નજીકમાં જ આવેલી પુષ્પકુંજ સોસાયટીમાં રહેતાં હોઈ તેઓ રાત્રીના સમયે ત્યાં જ સુવા માટે જતાં હતાં. અને દિવસે પાછા આવી જતાં હતાં. દરમિયાનમાં ૧ જાન્યુઆરીએ તેઓ પુત્રીના ઘરેથી પરત આવી પોતાના ઘરનું કામકાજ કરી રહ્યાં હતાં. તે વેળાં બપોરના સાડાબારથી પોણા એક વાગ્યાના અરસામાં એક સફેદ એક્ટિવા પર કેસરી કલરની ટીશર્ટ અને હેલમેટ પહેરેલાં યુવાને તેમને તમારું પાર્સલ આવેલું છે લઈ લ્યો તેમ કહેતાં તેમણે જણાવ્યું હતું કે, તેમણે કોઈ પાર્સલ મંગાવ્યું નથી. બીજા કોઈનું હશે તેમ કહેતાં યુવાને તેમને તેમના જ વર નંબરવાળું પાર્સલ છે તેમ જણાવી તેમને પાર્સલ આપ્યું હતું. દરમિયાનમાં યુવાને તેમને કાગળ પેન આપી તમેને સહીં કરવા કહેતાં તેઓ સહી કરી રહ્યાં હતાં. તે વેળાં યુવાને તેમના ગળામાં પહેરેલી ચેઈન આંચકવાની કોશિષ કરી હતી. જોકે, તેઓ પાછળ હટી જતાં ગઠિયાના હાથમાં ચેઈન નહીં આવતાં અને તે ગભરાઈ જતાં તેની એક્ટિવા લઈને ભાગી ગયો હતો. તેમની ચેઈન ચોરાઈ ન હોવાથી તેમણે જે તે સમયે ફરિયાદ નોંધાવી ન હતી. જોકે, બાદમાં પરીવારના સભ્યો સાથે ચર્ચા કર્યા બાદ આખરે તેમણે ફરિયાદ નોંધાવી હતી.
