અંકલેશ્વરના ગડખોલ વિસ્તારમાં આવેલ ઐય્યાપ્પા ટેમ્પલ નજીક આખલાના હુમલાનો એક ચોંકાવનારો વિડિયો સોશિયલ મીડિયામાં વાયરલ થયો છે. વીડિયોમાં આખલો અચાનક લોકો પર તૂટી પડતો દેખાય છે, જેના કારણે વિસ્તારમાં અફરાતફરી મચી ગઈ હતી.
Advertisement
આ ઘટનામાં કુલ પાંચ વ્યક્તિઓને ઇજા પહોંચ્યાની માહિતી મળી છે, જેમાંથી એક વ્યક્તિની હાલત ગંભીર હોવાનું અહેવાલોમાં જણાવાયું છે. ઘાયલોને તાત્કાલિક સારવાર માટે નજીકની હોસ્પિટલમાં ખસેડવામાં આવ્યા હતા.
ઉલ્લેખનીય છે કે આ ઘટના ગત 26 ડિસેમ્બરના રોજ બની હતી, પરંતુ હવે તેનો વિડિયો વાયરલ થતાં ફરી એકવાર સમગ્ર મામલો ચર્ચામાં આવ્યો છે. ઘટનાને લઈને અંકલેશ્વર બી ડિવિઝન પોલીસ મથકે જાણ થવા જોગ ફરિયાદ પણ નોંધવામાં આવી છે. પોલીસે મામલાની તપાસ હાથ ધરી આગળની કાર્યવાહી શરૂ કરી છે.
