ગત રાત્રે ભરૂચ તવરા રોડ પર આવેલા MAPLE SKYDECK એપાર્ટમેન્ટની બાજુમાં આવેલી ખુલ્લી જગ્યામાં અચાનક આગ ભભૂકી ઊઠી હતી. આગ લાગતાની સાથે જ આસપાસના વિસ્તારમાં અફરા-તફરીનો માહોલ સર્જાયો હતો.
પ્રાથમિક અનુમાન મુજબ નજીકમાં ચાલતા લગ્નપ્રસંગ દરમિયાન ફટાકડાની ચિનગારી પડતાં આગ લાગી હોવાનું માનવામાં આવી રહ્યું છે. ઘટનાની જાણ થતા જ ફાયર બ્રિગેડની ટીમ તાત્કાલિક સ્થળ પર પહોંચી હતી અને આગ પર કાબૂ મેળવી લીધો હતો.
Advertisement
સદનસીબે આ ઘટનામાં કોઈ જાનહાનિ થઈ નથી, પરંતુ આગના કારણે વિસ્તારમાં થોડા સમય માટે ભયનો માહોલ જોવા મળ્યો હતો. વધુ તપાસ હાથ ધરવામાં આવી રહી છે.
