ભરૂચ :
પીસી-પી.એન.ડી.ટી એક્ટ-૧૯૯૪ અન્વયે ભરૂચ જિલ્લામાં મુખ્ય જિલ્લા આરોગ્ય અધિકારીના અધ્યક્ષસ્થાને જિલ્લા સલાહકાર સમિતિની બેઠક યોજાઈ હતી. બેઠકમાં એક્ટના અસરકારક અમલીકરણ અંગે વિસ્તૃત ચર્ચા કરવામાં આવી હતી તેમજ રિન્યુઅલ રજિસ્ટ્રેશનને બહાલી આપવામાં આવી હતી.
Advertisement
બેઠક દરમિયાન પીસી-પી.એન.ડી.ટી એક્ટ-૧૯૯૪ હેઠળ સ્ત્રીભૃણ ગર્ભ પરીક્ષણ તથા તેના સંબંધિત બિનઅધિકૃત કૃત્યો પર પ્રતિબંધ અંગે જાગૃતિ લાવવા અને કાયદાનો કડક અમલ કરવા પર ભાર મૂકાયો હતો. આ એક્ટ અંતર્ગત આવા ગુનાઓ સામે કડક કાર્યવાહી કરવાની જોગવાઈઓ પણ ચર્ચાઈ હતી.
કાર્યક્રમમાં ઇન્ડિયન મેડિકલ એસોસિએશન (આઈ.એમ.એ.)ના પ્રતિનિધિ ચિંતન તોલાટ, મુખ્ય જિલ્લા આરોગ્ય અધિકારી તથા પીસી-પી.એન.ડી.ટી એક્ટ અંતર્ગત જિલ્લા સલાહકાર સમિતિના સભ્યો હાજર રહ્યા હતા.
