વાંકલ :: માંગરોળ તાલુકામાં જિલ્લા પંચાયતની 5 બેઠકો અને તાલુકા પંચાયતની 24 બેઠકો માટે યોજાનાર ચૂંટણીને લઈ વહીવટી તંત્ર દ્વારા તૈયારીઓ પૂર્ણ કરી દેવામાં આવી છે. આજે કુલ 161 મતદાન મથકો પર ફરજ બજાવનાર ચૂંટણી સ્ટાફને જરૂરી સામગ્રી સાથે રવાના કરવામાં આવ્યો હતો.
આમાં પ્રિસાઇડિંગ ઓફિસરો, પોલિંગ ઓફિસરો તેમજ અન્ય ચૂંટણી કર્મચારીઓ સાથે EVM મશીનો અને મતદાન માટેની જરૂરી સામગ્રીનો સમાવેશ થાય છે. તમામ સ્ટાફને સુવ્યવસ્થિત રીતે તેમના મતદાન મથકો તરફ મોકલવામાં આવ્યો હતો.
Advertisement
ચૂંટણી અધિકારી હરેશભાઈ કાછડ, મામલતદાર એચ.વી. ચાવડા, પંકજભાઈ ચૌધરી તેમજ TDO ધરિયા ની દેખરેખ હેઠળ સમગ્ર પ્રક્રિયા પાર પાડવામાં આવી હતી.
ચૂંટણી પ્રક્રિયા સફળતાપૂર્વક પાર પડે તે માટે મોહનસિંહ ખેર દ્વારા સ્ટાફને જરૂરી માર્ગદર્શન આપવામાં આવ્યું હતું.
