ભરૂચ :
દિલ્હી-મુંબઈ એક્સપ્રેસ-વે વાહનચાલકો માટે ફરી એકવાર જોખમી સાબિત થયો છે. ભરૂચ નજીક કારેલા ગામ પાસે રવિવાર/સોમવાર દરમિયાન બે ટેમ્પા વચ્ચે સર્જાયેલા ગમખ્વાર અકસ્માતમાં હાઇવે પર થોડીવાર માટે અફરાતફરી મચી ગઈ હતી. સૂત્રોના જણાવ્યા મુજબ, ડ્રાઇવિંગ કરતી વખતે ચાલકને આંખ મળી જવાથી (ઝોકું આવી જવાથી) વાહન પરથી કાબૂ ગુમાવ્યો હતો, જેના કારણે બે ટેમ્પા સામસામે કે પછડાટમાં આવી ગયા હતા.
અકસ્માતની આ અફરાતફરીમાં એક ટેમ્પો માર્ગ પર જ પલટી મારી ગયો હતો જ્યારે અન્ય ટેમ્પો રેલિંગ કૂદીને ફંગોળાયો હતો. ટેમ્પામાં લોડેડ રહેલી પ્લાસ્ટિકના દાણાની બોરીઓ નીચે ઢોળાતા રસ્તા પર છવાઈ ગઈ હતી. જોકે, ઈશ્વર કૃપાથી અને સમયસૂચકતાને કારણે બંને ટેમ્પાના ડ્રાઇવરોને ગંભીર ઇજાઓમાંથી બચાવ થયો હતો અને સહીસલામત બહાર આવી ગયા હતા. ઘટનાને પગલે હાઇવે પરથી પસાર થતા અન્ય વાહનચાલકોમાં પણ હડકંપ મચી ગયો હતો.
