ભરૂચ નજીક નેશનલ હાઈવે નં. 8 ઉપર ટ્રેલર અને અલ્ટો કાર વચ્ચે સર્જાયો ગમખ્વાર અકસ્માત.

આજરોજ સવારના સમયે ભરૂચ નજીક નેશનલ હાઇવે નં. 8 ઉપર હોટલ ન્યાયમંદિર પાસે એક અલ્ટો કાર અને ટ્રેલર વચ્ચે ગમખ્વાર અકસ્માત સર્જાયો હતો. બન્ને વાહનોના અકસ્માતની ઘટનામાં (૧) ગણેશ ચિંતામણી સુટાર, (૨) સંતોષ હનુમાન શિષ્મી, (૩) રાજુ પાંડુરંગ પવાર એમ કુલ 3 જેટલા વ્યક્તિઓને નાની મોટી ઈજાઓ પહોંચી હતી. ઘટનાની જાણ ભરૂચ 108 એમ્બ્યુલન્સ સેવાને કરવામાં આવતા ઝાડેશ્વર 108 એમ્બ્યુલન્સ મારફતે તમામ ઈજાગ્રસ્તોને ભરૂચની સિવિલ હોસ્પિટલ ખાતે સારવાર અર્થે ખસેડવામાં આવ્યા હતા. જ્યાં તમામ ઇજાગ્રસ્તો પૈકી રાજુ પાંડુરંગ પવારની હાલત વધું ગંભીર જણાઈ આવતા તેઓને ખાનગી હહોસ્પિટલ ખાતે વધું સારવાર માટે ખસેડવામાં આવ્યા હતા.