ભરૂચ: જાયન્ટસ ભૃગુ સહેલી ગ્રુપ દ્વારા સહાય અર્થે એક કાર્યક્રમનું આયોજન કરવામાં આવ્યું હતું.

દિનેશભાઇ અડવાણી

જાયન્ટસ ભૃગુ સહેલી ગ્રુપ તરફથી જુના તથા નવા સાડી,પેન્ટ-શર્ટ, ડ્રેસ વગેરે કપડાનું દુબઈ ટેકરી વિસ્તારના ગરીબ બહેનો તથા ભાઈઓને કાપડ વિતરણનો કાર્યક્રમ રાખ્યો હતો.જેમાં મોટી સંખ્યામાં લાભાર્થીઓએ લાભ લીધો હતો.કાર્યક્રમમાં ભૃગુ સહેલીના પ્રમુખ જ્યોતિબેન પટેલે સૌનું સ્વાગત કર્યું હતું અને જાયન્ટ્સ ગ્રુપના ફેડરેશન પ્રમુખ અશોકભાઈએ પ્રાસંગિક પ્રવચન આપ્યું હતું.ભૃગુ સહેલીના નીતાબેન,જાહન્વીબેન, નયનાબેન વગેરે મોટી સંખ્યામાં બહેનો હાજર રહ્યા હતા.કાર્યક્રમના અંતમાં મંદિરના વ્યવસ્થાપક રણછોડભાઈએ સૌનો આભાર માન્યો હતો.