દિનેશભાઇ અડવાણી
ભરૂચ નગરના કસક વિસ્તારમાં તારીખ ૧૧/૭/૨૦૧૯ ના રોજ રાત્રીના સમયે ઘરફોડ ચોરીનો બનાવ બન્યો હતો.આ બનાવમાં તસ્કરોએ રોકડા નાણાં અને સોના ચાંદીના દાગીના મળી કુલ રૂપિયા ૨,૫૦,૦૦૦ કરતા વધુની મત્તાની ચોરી કરી હતી.કસક વિસ્તારમાં થયેલ ચોરીના બનાવની વિગત જોતા સી-ડિવિઝન પોલીસ મથક ખાતે આ બનાવ અંગે ફરિયાદ નોંધવામાં આવી હતી.બનાવના ફરિયાદી યાસીન આદમભાઇ પટેલે જણાવ્યું હતું કે તારીખ ૧૧/૦૭/૧૯ ના રોજ રાત્રીના ૧૦ થી મળસ્કાના ૫ વાગ્યા સુધીમાં આ બનાવ બન્યો હતો.ફરિયાદી કસક વિસ્તારમાં મોબાઈલની દુકાન ધરાવે છે.તેઓ કુટુંબ સાથે ઘરના ઉપલા માળે સુતા હતા ત્યારે નીચેના દરવાજાનો નકુચો તોડી તસ્કરોએ મકાનમાં પ્રવેશ કર્યો હતો અને તિજોરીમાંના સોના-ચાંદીના દાગીના અને રોકડા રૂપિયા ૧૨૦૦૦ મળી કુલ ૨,૫૯,૫૦૦ ની મત્તાની ચોરી કરી હતી.આ બનાવ અંગે સી-ડિવિઝન પોલીસ તપાસ કરી રહી છે.
