ભરુચ જીલ્લાનાં ઝગડીયા તાલુકામાં આવેલ રાજપારડીનાં જી.એમ.ડી.સી. ના લીગનાઈટમાં કોલસા ભરતી વખતે જે.સી.બી માં આગ લાગી જતાં દોડધામ મચી હતી.

ઝગડીયાનાં રાજપારડી ગામ ખાતે આવેલ જી.એમ.ડી.સી. નાં લીગનાઈટ પ્રોજેકટમાં કોલસાનું વહન કરવામાં આવે છે. જયારે ગઇકાલે બપોરનાં સમયે કોલસા ભરતી વખતે જે.સી.બી. મશીનમાં કોઈક અગમ્ય કારણોસર આગ લાગી હતી જેને પગલે નજીકનાં કોલસાના ઢગલામાં પણ સામાન્ય આગ લાગતાં તેની જાણ દુર્ગા કોન્ટ્રાક્ટ અને GMDC નાં અધિકારીઓને થતાં તેઓ ધટના સ્થળે દોડી આવ્યા હતા. આગ પર પાણીનો મારો ચલાવી આગને કાબુમાં લીધી હતી. જોકે આ દુધટનામાં કોઈ જાનહાનિ થવા પામી નથી. નુકસાનની માહિતી પ્રાપ્ત થઈ નથી કેમ કે આ ધટનાની પોલીસ ફરિયાદ દાખલ થઈ નથી.