સુરતનાં ઉધના વિસ્તારમાં એક બેકરીમાં એકાએક આગ લાગતા અફડાતફડીનો માહોલ સર્જાયો હતો.

સુરતનાં ઉધના જેવા ભરચક વિસ્તારમાં આવેલ પટેલનગર ખાતે આવેલી એક બેકરીમાં આજરોજ એકાએક આગ ફાટી નીકળતા નાશભાગ મચી જવા પામી હતી.
બનાવ અંગે સુરત મહાનગર પાલિકાનાં ફાયર વિભાગને જાણ કરવામાં આવતા એક બાદ એક પાંચ જેટલા ફાયર ટેન્ડરો ધટના સ્થળે દોડી આવ્યા હતા અને આગ ઉપર કાબુ મેળવવાનો પ્રયત્નો હાથ ધર્યા હતા. એકાદ કલાકની જહેમત બાદ આગ ઉપર કાબુ મેળવાયો હતો. જોકે આ ધટનામાં કોઈ જાનહાનિ કે ઇજા અંગેની માહિતી મળી શકી નથી. દરમ્યાન આ આગ શોટસર્કિટને કારણે લાગી હોવાનું પ્રાથમિક અનુમાન આવી રહ્યું છે.