ભરૂચ જીલ્લાનાં આરોગ્ય કર્મચારીઓ પોતાની માંગણીઓને લઈને ભરૂચ કલેક્ટર કચેરી ખાતે ધરણાં પર બેસી ગયા હતા.

ભરૂચ જીલ્લામાં આરોગ્યલક્ષી કામગીરી કરતાં કર્મચારીઓ પણ પોતાની માંગણીઓને લઈને રાજય સરકારને રજૂઆત કરી હતી પરંતુ તેમના પ્રશ્નોનો નિકાલ નહીં આવતા આજે ભરૂચ જીલ્લાનાં આરોગ્ય વિભાગનાં તમામ કર્મચારીઓએ ભરૂચ સિવિલ હોસ્પિટલથી લઈને ભરૂચ જીલ્લા કલેક્ટર કચેરી સુધી રેલી યોજીને પોતાની પડતર માંગણીઓને લઈને સૂત્રોચ્ચાર કર્યા હતા અને ભરૂચ જીલ્લા કલેક્ટર કચેરીનાં કમ્પાઉન્ડમાં જ ધરણાંનો કાર્યક્રમ કરી માંગણીઓ પૂર્ણ કરવા સૂત્રોચ્ચાર શરૂ કર્યા હતા.