સુરત જહાંગીરાબાદ-દાંડી રોડ વચ્ચે આવેલા CNG પંપ પર સ્કૂલ વાનમાં અચાનક આગ લાગતા દોડધામ મચી હતી. આગ લાગતા જ કાર ચાલક કાર છોડીને પંપની બહાર દોડી ગયો હતો. જોકે, પંપના કર્મચારીઓએ તાત્કાલિક ફાયર સેફ્ટીના સાધનોનો ઉપયોગ કરીને આગ પર કાબૂ મેળવી લીધો હતો. કર્મચારીઓની જાગૃતતાના કારણે મોટી દુર્ઘટના ટળી હતી. વહેલી સવારે 6.30 વાગ્યે સ્કૂલ વાનમાં ગેસ ભરવા પિન ખોલતા જ આગ ભભૂકી ઉઠી હતી. બનાવ અંગે પંપના સુપર વાઈઝરે જણાવ્યું હતું કે, ધટનાની જાણ ફાયર વિભાગને કરવામાં આવી હતી. ફાયર વિભાગનો કાફલો ધટના સ્થળે પહોંચી ગયો હતો. સ્કૂલ વાનમાં આગ લાગવાના પગલે રાહદારીઓ પણ પંપ પાસે પહોંચી ગયા હતા. જોકે, વાનમાં બાળકો ન હોવાથી બધાએ હાશકારો અનુભવ્યો હતો.
Advertisement
