સુરતના હીરા બાગ વિસ્તારમાં સોનાના દાગીના બનાવતી કંપનીમાંથી કર્મચારી દ્વારા રૂપિયા 1 કરોડથી વધુના સોનાના ભુકકાની ચોરી કરી હોવાનું સામે આવ્યું હતું.
વરાછા રોડ પર હીરા બાગ નજીક આવેલી લક્ષ્મી હોટલની પાછળ આવેલી ડેઝલ જ્વેલ્સ નામની કંપનીમાં સોનાના દાગીના બનાવવાનું કામકાજ કરવામાં આવે છે. ગત રાત્રિના એક વાગ્યા આસપાસ એક કર્મચારી દ્વારા દાગીના બનાવતી વખતે નીકળતાં સોનાના પાવડરની ચોરી કરવામાં આવી હતી. અંદાજે એકાદ કરોડથી વધુના સોનાના પાવડરની કર્મચારી દ્વારા ચોરી થઈ હોવાની જાણ સવારે થતાં પોલીસને જાણ કરવામાં આવી હતી. કંપનીના કર્તાહર્તાને ચોરી અંગે જાણ થતાં જ પોલીસ કાફલો બોલાવવામાં આવ્યો હતો. પોલીસે હાલ સીસીટીવીના આધારે વધુ તપાસ હાથ ધરી છે.
Advertisement
