સુરત પાંડેસરા વિસ્તારમાં આવેલ પુનિત નગર ખાતે ઘરમાં રસોઈ બનાવતી વખતે ગેસ સિલિન્ડરમાં આગ લાગતા ઘરવખરીને મોટું નુકસાન પહોંચ્યુ હતું.

સુરતનાં પાંડેસરા વિસ્તારમાં આવેલ પુનિત નગરના પ્લોટ નંબર 129 માં ગેસનાં સિલિન્ડરમાં લીકેજ થતા આગ ફાટી નીકળી હતી. આ ઘટનાને પગલે ભારે અફરાતફરીનો માહોલ સર્જાયો હતો. સવારે રસોઈ બનાવતી વખતે એકાએક આગની ઘટના બનતા ઘરમાં ઘરવખરી સહીત અન્ય સામાન બળીને ખાખ થઇ ગયો હતો. જોકે સદનસીબે આગ લાગવાથી કોઇ જાનહાનિ સર્જાય નહોતી. બનાવ અંગે ફાયર વિભાગને જાણ કરાતા ફાયરવિભાગની ટીમ ઘટનાસ્થળે દોડી ગઈ હતી અને આગને કાબુમાં લીધી હતી.