કોરોનાવાયરસની લડાઈ સામે તંત્ર સહિત લોકો દરેક રીતે પ્રયાસ કરી રહ્યા છે ત્યારે આર.આર.સેલ વડોદરા દ્વારા કોરોના રક્ષા કીટનું અંકલેશ્વર ઝૂંપડપટ્ટી વિસ્તારોમાં વિતરણ કર્યું હતું.

હાલ તો દેશભરમાં કોરોનાવાયરસની લડાઈ સામે તમામ લોકો બાથ ભીડી રહ્યા છે ત્યારે જેઓ રક્ષા માટે સતત ઉભા રહે છે તેવા પોલીસ કર્મચારી અને પોલીસ અધિકારીઓ દ્વારા લોકોને કોરોના વાયરસ સામે કેમ લડવું તે માટે સમજ તો આપી રહ્યા છે સાથે સાથે શ્રમજીવી પરિવારોમાં જમવાનું અને અનાજનું વિતરણ કરી રહ્યા છે ત્યાં હવે પોલીસ સેનેટાઈઝર સહિતનું કીટનું પણ વિતરણ શરૂ કર્યું છે. વડોદરા આર.આર.સેલ પોલીસ દ્વારા ગરીબ અને પછાત વિસ્તારોમાં રહેતા લોકોને કોરોના રક્ષા કીટનું વિતરણ શરૂ કર્યું છે જેમાં જેમાં હાથ ધોવાના સાબુ સેનેટાઈઝર મોઢા પર પહેરવાના માસ્કનું વિતરણ કરયું હતું. વધુમાં આર.આર સેલની ટીમે ઝૂંપડપટ્ટી વિસ્તારના લોકોને સેનેટાઈઝર અને માસ્કનો ઉપયોગ કરવા સૂચન કર્યું હતું.