ગોધરા એલસીબીએ પાંજરાપોળ પાસે હાઈવે રોડ પર નાકાબંધી કરીને બાતમીના આધારે ભારતીય બનાવટનો દારૂનો જથ્થો પકડી પાડ્યો હતો. એલસીબી પોલીસે અમદાવાદનાં ઈસમોની ધરપકડ કરીને કાયદેસરની કાર્યવાહી હાથ ધરી હતી. પંચમહાલ એલસીબી પી.આઈ ડી.એન.ચૂડાસમાને બાતમી મળી હતી કે લીમખેડાથી એક લાલ કલરની કાર દારૂનો જથ્થો ભરીને ગોધરા તરફ આવી રહી છે. આથી એલસીબી પોલીસે હાઇવે રોડ પર નાકાબંધી કરી હતી. બાતમીવાળીનાં વર્ણન ગાડી આવતા તેને ઉભી રાખી હતી.તેમાં બેઠેલા ઇસમોને નામ પૂછતા અલ્લાઉદ્દીન સરફૂદ્દીન મણિયાર અને ઇફતેખાર અહેમદ જલીલઅહેમદ અન્સારી રહે. અમદાવાદનાં દાણી લીમડા વિસ્તારનું જણાવ્યુ હતું. કારની તપાસ કરતા અંદર દારૂનો જથ્થો મળી આવ્યો હતો. આથી પોલીસે દારૂનો જથ્થો અને કાર મળીને 2,00,650 લાખનાં મુદ્દામાલનો દારૂનો જથ્થો જપ્ત કરી કાયદેસરની કાર્યવાહી હાથ ધરી હતી.
પંચમહાલ રાજુ સોલંકી
Advertisement
