પંચમહાલ જિલ્લાનાં રોજગાર અધિકારીની એક અખબારી યાદી અનુસાર નોવેલ કોરોના વાયરસનાં કારણે સર્જાયેલી પરિસ્થિતિને ધ્યાનમાં લઇ એમ્પ્લોયમેન્ટ કાર્ડ રીન્યુ કરવા માટેનો સમયગાળો વધારીને ઓગષ્ટ-૨૦૨૦ સુધી કરવામાં આવ્યો છે. કોરોનાનાં કારણે લોક ડાઉન સહિતનાં કારણોનાં લીધે જિલ્લા રોજગાર કચેરી ખાતે નામ નોંધણી કરાવેલ ઉમેદવારો કે જેઓ માર્ચ-૨૦૨૦ થી મે-૨૦૨૦ (વધારાના બે મહિનાના ગ્રેસ પિરિયડ સહિત) સમયગાળા દરમિયાન નામ નોંધણી રીન્યુ કરાવી શક્યા નથી તેવા ઉમેદવારોને ઓગષ્ટ-૨૦૨૦ સુધીમાં કાર્ડ રીન્યુ કરાવી શકશે. ઉમેદવાર કચેરીનાંઈ મેઈલ dee-pan@gujarat.gov.in અથવા કચેરીનાં ટેલિફોન નંબર (૦૨૬૭૨-૨૪૧૪૦૫) પર જાણ કરીને પોતાની નામ નોંધણી તાજી (રીન્યુ) કરાવી શકશે. તે જ પ્રમાણે અનુસ્નાતક અને ઉચ્ચ ડીગ્રીનાં અભ્યાસ કક્ષાની નામ નોંધણી વિદ્યાનગરના યુનિવર્સિટી એમ્પ્લોયમેન્ટ બ્યુરો (જિલ્લો-આણંદ) ખાતે કરાવેલ હોય તેઓ ૦૨૬૯૨-૨૩૭૦૨૦ પર સંપર્ક કરી નામ-નોંધણી તાજી (રીન્યુ) કરાવી શકે છે. જેની જિલ્લાના તમામ ઉમેદવારોને નોંધ લેવા આ યાદીમાં જણાવાયું છે.
પંચમહાલ રાજુ સોલંકી
